یاریگا-
هانز فلیك، ڕاهێنەری هەڵبژاردەی ئەڵمانیا باس لە ئامادە نەبوونی تیمۆ ڤێرنەر هێرشبەری هەڵبژاردەكەی دەكات لە یاریەكانی جامی جیهانی 2022ی قەتەڕ.
ڤێرنەر لە یاری یانەكەی لایپزیگ بەرامبەر شاختار تووشی پێكان هات و یانە ئەڵمانیەكەش لە بەیاننامەیەكی فەڕمیدا پێكانی یاریزانەكەی ڕاگەیاند و دووپاتكرایەوە كە ناتوانێت بەشداری یاریەكانی جامی جیهانی بكات.
لە لێدوانیدا بۆ تۆڕی سكای فلیك دەربارەی ڤێرنەر ووتی: ئەو هەواڵە زۆر تاڵ و ناخۆش بوو ، زۆر بەداخم بۆ ڤێرنەر كە ناتوانێت بەشداری بكات لە مۆندیال، كە بەڕاستی دەیویست بەشداری بكات.
هەرورها ووتیشی: ئامادەنەبوونی لەدەستدانێكی گەورەیە بۆ هەڵبژاردەكەمان، بۆ ئەو پاڵەوانیەتیە دەچین بە بێ هێرشبەرێكی نایاب كە توانای هەبێت گۆڵمان بۆ بكات، هیوای چاكبوونەوەی خێرا بۆ هەمووان دەخوازین.
