یاریگا–
پۆل پۆگبا، یاریزانی فەرەنسی یانەی مانچێستەر یونایتدی ئینگلیزی بووەتە ئامانجی یانەکانی یۆڤێنتۆس، مانچێستەر سیتی و پاریس سانجێرمان.
فابریزیۆ رۆمانۆ رۆژنامەنوسی ئیتاڵی بڵاویکردەوە، ناوەڕاستکارەکەی شەیتانە سوورەکان ئەمڕۆ کۆبونەوەیەکی گرنگی لەگەڵ بەرپرسانی خانمە پیرەکە هەیە و، ئەو یاریزانە زیاتر لە یانەکانی دیکە لەم یانەیە نزیکە و هەموو شتێک لەسەر مووچەکەی یەکلایی دەکرێتەوە.
رۆمانۆ ئەوەشی بڵاوکردەوە پۆگبا ئامادەنیە پەیوەندی بە ما سیتیەوە بکات و، لەبارەی ئۆفەرەکەی مام سیتیش چاوەڕێ کۆبونەوەی لەگەڵ یانەی یۆڤێنتۆس دەکات.
