گرینوود بە کەفالەت ئازادکرا

یاریگا-مەیسن گرینوود لە زیندان ئازادکرا لەرێگەی کەفیل تا کاتی دادگاییەکەی.

لاوە بەهرەمەندەکەی یونایتد بە تۆمەتی دەستدرێژی و سێکسی زۆرە ملێ لە خۆشەویستەکەی دەستگیرکرا ، ئەمەش پاش ئەوەی کچە هاوڕێکەی بە تۆماری دەنگی و وێنە و ڤیدیۆ راستییەکانی بڵاوکردەوە.

بەگوێرەی بەیاننامەی پۆلیس دەکرێت ئەو یاریزانە دەستگیربکرێتەوە بەپێی بەرەو پێشڤەچوونی لێکۆڵینەوەکان.

گرینوود هەموو جیهانی بەسەردا ئاوەژوو بووەوە و لە ئێستادا لە یانەکە دوورخراوەتەوە و سەرجەم سپۆنسەرەکانی لێی جیابوونەتەوە و  هاوڕێکانیشی پشتییان تێکردووە.