یاریگا-کریستیانۆ رۆناڵدۆ ئەستێرەی یانەی یوڤێنتۆس بڕیاریداوە لە یانەکە بمێنێتەوە.
ماسیمیلیانۆ ئالێگری راهێنەری یانەکە لە لێدوانێکدا ئاشکرایکرد، کریس پێی راگەیاندووە لە یانەکە دەمێنێتەوە و دەیەوێت رۆژی یەکشەممە بەرامبەر ئودێنزی باشتربێت.
ئالێگری : رۆناڵدۆ زیادەیەکی گرنگە بۆ ئێمەو دەتوانێت رێژەیەکی زۆر گۆڵ تۆماربکات ئێمەش هەوڵدەدەین پێکهاتەیەکی باش لە دەوری دروست بکەین، ئەو هەموو کاتێک بە باشی مەشقەکانی ئەنجام دەدات و ئەو هەرگیز نەی وتووە دەمەوێت بڕۆم و دەیەوێت بمێنێتەوە”.
ئەم هەواڵەش لە کاتێکدایە بە درێژایی هاوینی ئەمساڵ دەنگۆی ئەوە هەبوو ئەفسانە زیندووەکە بیانکۆنێری جێبهێڵێت و رووبکاتە یەکێک لە یانەکانی پاریس سان جێرمان، ریاڵ مەدرید یاخود مانچێستەر سیتی.
