یاریگا-
فیدراسیۆنی تۆپی پێی ئیتاڵیا باشترین گۆڵپارێزی خولی ئیتاڵیای بۆ وەرزی 2020/2021 دەستنیشانكرد.
هەژماری فەڕمی كاڵچیۆ لە تۆڕی كۆمەڵایەتی تویتەر جیانلویجی دۆنارۆمای گۆڵپارێزی میلانی وەك باشترین گۆڵپارێزی ئەم وەرزەی سێریا ئەی دەستنیشانكرد و پێش سەمیر هاندانۆڤیچی گۆڵپارێزی ئینتەر میلان كەوت.
دۆنارۆما لەم وەرزەدا لە 14 یاریدا تۆڕی گۆڵەكەی بە خاوێنی هێشتوەتەوە هاوشێوەی هاندانۆڤیچ ، بەڵام گۆڵپارێزەكەی میلان زیاتر تۆپی گەڕاندووەتەوە بە ڕێژەی 92 لێدان هەرچی گۆڵپارێزەكەی ئینتەرە 78 لێدانی گەڕاندووەتەوە.
چاوەڕوان دەكرێت لە یەكەم یاری وەرزی نوێدا سەرجەم خەڵاتەكانی باشترینەكان پێشكەش بكرێت.
