یاریگا- شەوی ڕابردوو پریمەرلیگ چرکەساتێکی جیاوازی لە مێژووی خولەکەدا تۆمار کرد کاتێک بۆ یەکەمین جار و لەپێناو یاریزانە موسوڵمانەکاندا یارییەک ڕاگیرا.
لە میانی هەفتەی 33ی خولەکە لیستەر سیتی میوانداری کریستاڵ پاڵاسی کرد و یارییەکەی 2-1 لە میوانەکەی بردەوە.
پێش دەستپێکردنی یارییەکە، لیژنەی بەڕێوەبردنی خولەکە بە ڕێککەوتن لەگەڵ هەردوو یانە و ناوژیوانی یارییەکش، ڕەزامەندی ئەوە وەرگیرابوو کە دوای خۆرئاوابوون ڕێگە بە یاریزانانی موسوڵمان ویسڵی فۆفانای فەڕەنسی و شیخۆ کۆیاتی سەنیگالی بدرێت تا ڕۆژووەکانیان بکەنەوە، بۆ ئەو مەبەستەیش یارییەکە ڕابگیردرێت و هەرواش بوو.
https://twitter.com/abdo89645580/status/1386814542227939330?s=19
لای خۆیەوە یاریزانەکەی لیستەر پەیامێکی هەستئامێزی بڵاو کردەوە له دوای یارییەکە و تێیدا سوپاسی پریمەرلیگ و کریستاڵ پاڵاس و گایتای گۆڵپارێزان هەروەها یانەکەی خۆیشی کرد کە ڕێگەیان داوە له ناوەڕاستی یارییەکەدا ڕۆژووەکەی بکاتەوە. لە کۆتایی پەیامەکەیدا فۆفافان نووسیویەتی: “هەر ئەوەیە کە تۆپی پێ جوان دەکات.”
Just wanted to thank the @premierleague as well as @CPFC , @vguaita13 all the Foxes for allowing me to break my fast tonight in the middle of the game. That's what makes football wonderful 🙏🏾✊🏾#WF3 #PourEux https://t.co/d56o8A8ZGo
— Wesley Fofana (@Wesley_Fofana3) April 26, 2021
سکای سپۆرت لای خۆیەوە ئاماژەی بەوە کردووە کە بۆ یەکەمین جارە یارییەکی پریمەرلیگ دەستێنرێت تا یاریزانە موسوڵمانەکان بەربانگ بکەنەوە.
