یاریگا – دوێنێ کیکی سیتینی ڕاهێنەری پێشووی بارسێلۆنا بەیاننامەیەکی بەناوی خۆی و ستافی ڕاهێنەرانی دەرکرد لەبارەی کێشەکانی لەگەڵ ئیدارەی بارسێلۆنا دوای دەرکردنی.
سیتین لە بەیاننامەکەدا کە لەڕێگەی هەژماری فەرمی خۆیەوە لە تویتەر بڵاویکردۆتەوە دەڵێت:
دوای مانگێک بێدەنگی لە ئیدارەی بارسێلۆناوە، دوێنێ پەیامێکمان پێگەیشتووە کە ئاشکرای دەکات ئیدارەی یانەکە ئامادە نییە پابەندی ئەو گرێبەستە بێت کەوا ئێمە لە بەرواری 14/01/2020 لەسەری ڕێکەوتبووین.
بە گوتەی سیتین بارسا ئامادەنییە پارەی هەڵوەشاندنەوەی گرێبەستەکەی پێبدەن هەربۆیەش ئەو هیچ بژاردەیەکی دیکەی لەبەردەمدا نەبووە جگە لە بەرزکردنەوەی داوایەکی یاسایی دژی یانەکە.
— Quique Setien (@QSetien) September 17, 2020
