یاریگا –
ئەمشەو لە یارییەکی دراماتیکی و پڕ رووداودا مان سیتی و ئارسیناڵ لە یاریگای ئیتیحاد 2-2 یەکسانبوون.
یارییەکە کە هەر لەسەرەتاوە بە فاوڵ و بەرکەوتنی سەخت دەستیپێکرد، تێیدا چەند یاریزانێکی دیار بەهۆی پێکانەوە گۆڕانکاری ناچارییان بۆکرا. لەوانە رۆدری لە سیتی و کالافیۆری و یوریان تیمێر لە ئارسیناڵ.
ئەوەی نیگەرانییەکانی بۆ هاندەرانی تۆپچیەکان زیاترکرد، ڤیدیۆیەکی دوای یارییەکە بوو کە دەردەکەوێ داڤید رایا بە شەلەشەل دەڕوات و پێچەرێکییش بە ئەژنۆیەوە بەستراوە.
ڤیدیۆی رایا دوای یارییەکە:
David Raya leaves Etihad Stadium ‘limping’ and with a bandage on his leg 😬
This does not look good for Arsenal fans… 🤕 pic.twitter.com/0Recz92jLJ
— Mail Sport (@MailSport) September 22, 2024
رایا کە لە یارییەکەدا جارێکیتر بە چەند سەیڤێکی نایاب خۆی نواندەوە، چەند جارێک بەهۆی هەستکردن بە ئازار دادەنیشت و چارەسەری کاتی وەردەگرت.
هێشتا هیچ شتێکی فەرمی نەوتراوە لەسەر ئەو حاڵەتەی گۆڵپارێزە ئیسپانییەکە، بەڵام بە دوورکەوتنەوەی لە یارییەکانی داهاتوو گورزێکی کاریگەر دەبێت بۆ تیمەکەی میکێل ئارتێتا.
