یاریگا –
سوارێز خێراترین گۆڵی لە مێژووی ئینتەر مەیامی کرد و تەنیا دوای تێپەڕبوونی 30 چرکە گۆڵی بۆ یانەکەی کرد.
لویس سوارێز هێرشبەری ئۆرۆگوایی لە خولی ئەمریکی ناسراو بە MLS بەرەبەیانی ئەمڕۆ لە یاریی نێوان ئینتەر مەیامی و سینسیناتی تەنیا دوای تێپەڕبوونی 30 چرکە بەسەر دەستپێکی یارییەکە گۆڵی بۆ پەمەییپۆشەکان کرد کە خێراترین گۆڵ بوو لە مێژووی یانەکەی.
سوارێز و هاوڕێیەکانی بەبێ مێسی 2-0 بردنەوەیان بەدەستهێنا و لە پێشەنگی کۆمەڵەی رۆژهەڵاتی خولی ئەمریکی بوونە خاوەنی 56 خاڵ، جیاوازیی خاڵەکانیان لەگەڵ سینسیناتی دووەم کردە 8 خاڵ.
سوارێز جگە لە گۆڵە مێژوییەکەی لە خولەکی 6 گۆڵی دووەمیشی کرد و لە یارییەکە دووانەی کرد و لە یارییەکە بە باشترین یاریزان دەستنیشانکرا.
سوارێز لەم وەرزە لە خولەکە 14 گۆڵی تۆمارکردووە کە کریستیان بێنتیکی بە تۆمارکردنی 17 گۆڵ هاوشانی کریستیان ئارانگۆ پێشەنگی گۆڵکارانی خولەکەیان گرتووە.
