وەرزشوانێکی کورد لە ئۆڵێمپیادی پاریس مێداڵیای زێڕی بەدەستهێنا

یاریگا –

ئاریان سەلیمی یاریزانی کورد لە ئۆڵێمپیادی پاریس مێداڵیای زێڕی لە تایکواندۆ لە کێشی سەروو 80 کیلۆگرامیدا بۆ ئێران بەدەستهێنا.

ئاریان سەلیمی وەرزشوانی کوردی رۆژهەڵاتی کوردستان لە ئۆڵێمپیادی پاریس مێداڵیای زێڕی بەدەستهێنا، لە یاریی کۆتایی بە ئەنجامی 2-1 لە کادین کونینگهام یاریزانی بەریتانی بردەوە و بووە یەکەم وەرزشوانی کورد لە مێژوودا لە ئۆڵێمپیاد مێداڵیای زێڕ بباتەوە.

ئاریان سەلیمی کە خەڵکی رۆژهەڵاتی کوردستانە، 16ـی دیسەمبەری 2003 لە شاری کرمانشان لەدایکبووە، یەکەمجارە بەشداریی یارییەکانی ئۆڵێمپیاد دەکات.

ئیران سەلیمی بووە سێیەم وەرزشوانی ئێران لە ئۆڵێمپیادی پاریس مێداڵیای زێڕ بەدەست بهێنێت، لەلایەن مەسعود پزیشکیان سەرۆکی کۆماری ئێران پیرۆزبایی لێکرا، پزیشکیان لە هەژماری خۆی لە پلاتفۆڕمی ئێکس پیرۆزبایی لە کوڕە کوردەکە کردووە.

پسر عزیزمان آرین سلیمی، طلای مقتدرانه‌ات خستگی را از تن‌مان بیرون کرد. جوان اول ایران در المپیک، با یک مدال خوشرنگ دل مردم را به دست آوردی، همیشه سرافراز باشی.

— Masoud Pezeshkian (@drpezeshkian) August 10, 2024

ئاریان سەلیمی دوای بردنەوەکەی بەرامبەر یاریزانە بەریتانییەکە لەسەر شێوازی کریستیانۆ رۆناڵدۆ هێرشبەری پۆرتوگاڵی یانەی نەسڕی سعوودی ئاهەنگی گێڕا و هاواری کرد ‘سووووو’.

ڤیدیۆی تەواو یارییەکە