لە گەڕی 27ـی خولی ئەستێرەکانی عێڕاق یانەی نەورۆز لە یاریگای مەلعەبەکە میوانداری یانەی ئەلقاسم دەکات.
چوارشەممە 8\5\2024 گەڕێکی تر لە خولی ئەستێرەکانی عێڕاق بەڕێوەدەچێت و یانەی هەولێر لە شاری بەغداد ڕووبەڕووی یانەی کەرخ دەبێتەوە، یانەی هەولێر لە یاری ئەمڕۆدا بێ ڕاهێنەر عەبدولقادر حوسێن یاریەکە دەکات و ڕاهێنەری توانای جەستەیی ئەحمەد قەدوری سوری و عیماد هاشم ڕاهێنەری گۆڵپارێزانی یانەکە یاریەکە بەڕێوە دەبەن، هەولێر 8 یاریە هیچ سەرکەوتنێکی تۆمار نەکردووە یانەکە بە بارودۆخێکی سەخت و خراپ گوزەر دەکات و لە کاتی ئێستادا بێ ڕاهێنەر و بێ سەرۆک یانەیە دوای مۆڵەت وەرگرتنی وەلید عارەب سەرۆکی یانەکە بۆ ماوەی سێ مانگ.
یانەی نەورۆز لە شاری سلێمانی میوانداری یانەی قاسم دەکات، نەورۆز لە ڕیزبەندی حەوتەمە بە 36 خاڵ و یانەی ئەلقاسمیش لە خانەی هەژدەمە و 18 خاڵیشی هەیە، یانەی نەورۆز توانای چوار یاریزانی بۆ ئەم یاریە لە دەستداوە ئەوانیش هەریەک لە محەمەد ڕەحیم و ویلنگتۆن تایرا بەهۆی پێکان و دیار یاخی کاپتنی تیپەکە و کلاودویۆ ماڕادۆنای هێرشبەری بە هۆی وەرگرتنی کارتی سور لە یاری ڕابردوو یاری ناکەن.
