تەواو؛ بێرناردۆ سیلڤا مانچێستەر سیتی بەجێدەهێڵێت و روودەکاتە بارسێلۆنا

یاریگا –

بێرناردۆ سیلڤا بڕیاری کۆتایی خۆی داوە و ئەم هاوینە مانچێستەر سیتی بەجێدەهێڵێت و روودەکاتە بارسێلۆنا.

رۆژنامەی دەیلی میرەری بەریتانی ئاشکرایکردووە، بێرناردۆ سیلڤا یاریزانی پۆرتوگاڵی یانەی مانچێستەر سیتی ئینگلیزی بڕیاریداوە ئەم هاوینە خەونەکەی بهێنێتە دی و ریزەکانی مانچێستەر سیتی بەجێدەهێڵێت و روودەکاتە بارسێلۆنای ئیسپانی، کە چەند ساڵێکە دەنگۆی چوونی بۆ یانە کەتەلۆنییەکە هەیە.

رۆژنامە بەریتانییەکە ئاشکرایکردووە، بێرناردۆ پەیوەندی بە جواو فیلێکس و جواو کانسێلۆ یاریزانانی پۆرتوگاڵی یانەی بارسێلۆنا کردووە و لەبارەی پەیوەندیکردنی بەو یانەیە گفتوگۆی لەگەڵ ئەو دوو هاونیشتیمانیییەی کردووە، بێرناردۆ دەیەوێت وەرزی داهاتوو درێسی ژمارە 10ـی بارسێلۆنا بپۆشێت و ببێتە جێنشینی لیۆنێل مێسی لە یانەکە.

سیلڤا (29 ساڵان) تاوەکو هاوینی 2026 گرێبەستی لەگەڵ مانچێستەر سیتی هەیە و نرخی هەڵوەشاندنەوەی گرێبەستەکەی لە یانەکەی 50 ملیۆن پاوەندە.

رۆژنامە بەریتانییەکە ئاشکرایکردووە، گواستنەوەی بێرنانردۆ یەکەم داواکاری ئەم هاوینەیەی چاڤی دەبێت و گواستنەوەی یاریزانە پۆرتوگاڵییەکە یەکەم کاری ئەم هاوینەی یانە کەتەلۆنییەکە دەبێت، کە هاوینی رابردووش یاریزانە پۆرتوگاڵییەکە نزیکبوو رووبکاتە بارسا بەڵام دواتر پیپ گواردیۆلا رازیکرد لە یانەکە بەردەوام بێت.