دوای تەواو بوونی قۆناخی یەکەمی خولی ئەستێرەکانی عێڕاق، لەکۆی 20 یانەی بەشدار بوو تەنها 7 یانە ڕاهێنەرەکانیان نەگۆڕیوە، تاوەکو ئێستا 16 راهێنەر گۆڕدراون.
خولی ئەستێرەکانی عێڕاق کە پاڵەوانی قۆناخی یەکەم یانەی قوە جەویییە بوو بە 45 خاڵ، ڕاهێنەرێکی زۆر لە یانەکان گۆڕدران و لە نێویاندا چەند ڕاهێنەرێکی دەرەوەی عێڕاقیش دەبینرێن، یانەکانی نەفتی وەسەت و قاسم و نەفتی میسان و کەربەلا لە 19 یاری قۆناخی یەکەم هەر یەکەیان دوو جار ڕاهێنەریان گۆڕیوە، ئەو یانانەی کە ڕاهێنەرەکانیان گۆڕیوە قەحتان جسیر لە یانەی مینا ، ئەحمەد خەلەف لە یانەی تەڵەبە، ماجد نەجم لە یانەی نەفتی ناوەڕاست، جاسب سوڵتان لە یانەی قاسم، عەباس عوبێد لە یانەی هەولێر، سلێمان ڕەمەزان لە یانەی دهۆک، حەیدەر عەبودی لە یانەی کەربەلا، عەبدولوەهاب ئەبوهیل لە یانەی نەفتی بەسڕە، حەمزە جەمەل لە یانەی نەجەف، عەباس عەتیە لە یانەی نەفتی ناوەڕاست، شەهاب لەیلی لە یانەی شوڕتە، هەیسەم شبول و عەباس عوبێد لە یانەی نەفتی میسان، عەلی جەبار لە یانەی قاسم، حوسام فەوزی لە یانەی کەربەلا، وسام تاڵب لە یانەی ئەمانەی بەغداد.
تا ئێستا تەنها 7 یانە ڕاهێنەرەکانیان وەک خۆی ماون و نەگۆڕاون ئەوانیش هەریەک لە یانەکانی قوەی جەوی و زاخۆ و نەورۆز و زەوڕا و حدود و کارەبا و نەفتی شاری بەغدان.
