لەمەودوا لە ئیسپانیا گفتوگۆی نێوان ناوبژیوانی ناوەڕاست و ناوبژیوانی ڤار بڵاو دەکرێتەوە
یاریگا –
لەمەودوا لە ئیسپانیا دەنگی گفتوگۆی نێوان ناوبژیوانی ناوەڕاست و ناوبژیوانی ڤار بڵاو دەکرێتەوە.
فیدراقسیۆنی تۆپی پێی ئیسپانی لە بەیاننامەیەکیدا رایگەیاندووە، لە یارییەکانی جامی سوپەری ئیسپانیا دەنگی گفتوگۆی نێوان ناوبژیوانی ناوەڕاست و ناوبژیوانی سیستەمی ڤار بۆ یەکلاکردنەوەی بڕیارەکان بڵاو دەکرێتەوە، کە رۆژی 10ـی مانگی داهاتوو یارییەکانی جامی سوپەری ئیسپانیا لە سعوودیە بەڕێوە دەچن.
🚨 𝗢𝗙𝗜𝗖𝗜𝗔𝗟 | La RFEF y LaLiga acuerdan publicar las conversaciones entre los árbitros y el VAR en la revisión de las jugadas.
🔊 El proyecto se estrenará a partir del 10 de enero de 2024, tanto en la #Supercopa de España como en la @LaLiga.
ℹ️ https://t.co/37u4vkd1o7 pic.twitter.com/iBLYNm6hlX
— RFEF (@rfef) December 19, 2023
جگە لە جامی سوپەری ئیسپانیا، لە گەڕی بیستەمی لالیگاوە دوای هەر یارییەک دەنگی گفتوگۆی نێوان ناوبژیوانی ناو یاریگا و ناوبژیوانی ڤار لەبارەی بڕیارەکان بڵاو دەکرێتەوە، بۆ ئەوەی شەفافیەتی زیاتر لەبارەی بڕیارەکانی ناوبژیوانان بڵاو بکرێتەوە.
بەگوێرەی بەیاننامەکەی فیدراسیۆنی تۆپی پێی ئیسپانیا، تەنیا لەو کاتانە دەنگی گفتوگۆی نێوان ناوبژیوانی یاریگا و ناوبژیوانی ڤار بڵاو دەکرێتەوە، ئەگەر ناوبژیوان بچێتە لای شاشەی ناو یاریگا و سەیری حاڵەتەکە بکاتەوە و گفتوگۆ لەبارەی رووداوەکە لەگەڵ ناوبژیوانی ڤار بکات.