یاریگا –
لە گەڕی سێیەمی خولی نایابی عێڕاق، یانەی پێشمەرگەی سلێمانی لە نێو یاریگای خۆی رووبەڕووی یانەی گەرمە بووەوە.
پێشمەرگەی سلێمانی لە دوو یاری رابردوودا خاوەن دوو یەکسانبوون بوو، یانەی گەڕمەش سەرکەوتنێک و یەکسان بوونێکی تۆمار کردبوو.
گێمی یەکەمی یاریەکە بە تەواوی لە بەرژەوەندی یانەی گەرمە بوو کاتێک بە دوو گۆڵی بێ وەڵام پێشکەوت، گۆڵی یەکەم لە خولەکی 4 یاریزانی بەڕازیلی و پارساڵی یانەی هەولێر بڕۆنۆ ئۆلیڤێڕا تۆمارکرا، لە خولەکی 45+3 یاریزان دیاگۆسانتۆس گۆڵی دووەمیشی بۆ تیپەکەی تۆمار کرد.
دەسپێکی گێمی دووەم پێشمەرگەی سلێمانی لە خولەکی 55 لە رێگای یاریزان دانا مستەفا بە لێدانی سزا گۆڵی یەکەمیان تۆمارکرد، خولەکی 61 ستیڤن سارفۆ گۆڵی بەرامبەری بۆ پێشمەرگە تۆمار کردەوە و نزیک بوون لە تۆمارکردنی گۆڵی سێیەم و ڕیمۆنتادا کردن بەڵام یاریزانانی پێشمەرگە هەلەکانیان لە دەستدەدا.
پێشمەرگەی سلێمانی لە سێ یاری خۆیدا لە خولەکە یەکسان بووەو خاوەن سێ خاڵە، یانەی گەرمەش کە ئەمساڵ ئامانجیان سەرکەوتنە بۆ ڕیزی خولی ئەستێرەکانی عێڕاق لە سێ یاریدا سەرکەوتنێک و دوو بەرامبەر بوونی هەیە و خاوەن 5 خاڵە.
