ئەمڕۆ گەڕێکی تر لە خولی پلە یەکی کوردستان بەڕێوەدەچێت و یاری لوتکەش لە شاری هەولێر ئەنجامدەدرێت.
یانەی بازیان دوای سێ شکست لە دوای یەک و بە ڕاهێنەرایەتی نوێی جەلیل جەمیل لە یاریگای خۆی میوانداری یانەی ڕزگاری خاوەن سێ سەرکەوتن و ڕیزبەندی پلەی یەکەم دەکات، لە شاری هەولێریش یانەی پیشەسازی له یاری لوتکەی ئەم هەفتەیەی خولەکەدا ڕووبەڕووی یانەی سلێمانی دەبێتەوە، پیشەسازی بە جیاوازی گۆڵ لەگەڵ یانەی ڕزگاری بە 9 خاڵ لە خانەی دووەمە و سلێمانیش بە 7 خاڵ لە ڕیزبەندی چوارەم دێت، یانەی چەمچەماڵ لە یاریگای خۆی بەرامبەر خاک یاری دەکات و هەڵەبجەی شەهیدیش میوانداری یانەی تەناهی دەکات، یارییەکانی سبەی هەینی 15/12/2023 بەمشێوەیە:
ڕەواندز × سێمێل
قەڵادزێ × هەڵۆ
شۆڕجە × خانەقین
کۆیە × بابان
سەرجەم یارییەکانیش لە کاتژمێر 2ـی دوای نیوەڕۆ ئەنجامدەدرێت.
