لەگەڕی شەسەمی خولی نایابی کوردستان و تایبەت لە نێو یاریگای سۆران، یانەی ڕانیە بە گۆڵێک بە یانەی سۆران دۆڕا.
لەم یاریەدا سێ یاریزان بە کارتی سوور لەلایەن ناوبژیوانەوە کرانە دەرەوەی یاریگا و ئەوانیش هەر یەک لە ڕەنجاوموسلیح و سەیف حمۆ لە یانەی سۆران و محەمەد دکانۆ ی هێرشبەری یانەی ڕانیە بوون، کەمێک لە مەوبەر لە ڕاگەیەنراوێکدا یانەی ڕانیە لە پەڕەی تایبەتی خۆیان لە فیس بوک بڵاویان کردۆتەوە کەوا یاریزان محەمەد دکانۆی هێرشبەری بەڕەگەز عەرەبیان لە یانەکەیان سزاداوە بەبڕی یەک ملیۆن دینار بە هۆی هەڵس و کەوتی دوور لە گیانی وەرزشی کە بەرامبەر یاریزانێکی یانەی سۆران نواندی، ڕاگەیەنراوەکەی یانەی ڕانیە وەک خۆی :
بەهۆی ئەو ڕەفتارو هەڵسوکەوتە ناوەرزشیەی بەرامبەر بەیاریزانێکی یانەی سۆران نیشانیدا، لە یاری گەڕی شەشەمی خولی نایابی کوردستان، دەستەی کارگێڕی یانەکەمان بڕیاریدا بەسزادانی ماددی یاریزان “محەمەد دکانۆ” و پێبژاردنی بە بڕی”١.٠٠٠.٠٠٠” یەک ملیۆن دینارو ئاگادارکردنەوەی ناوبراو لە دووبارە نەکردنەوەی ڕەفتارو هەڵسوکەوتی دوور لە گیانی وەرزشی.
