لە گەڕی دووەمی خولی نایابی کوردستان، یانەی هەولێر لە نێو یاریگای خۆی ڕووبەرووی یانەی زاخۆ بویەوە.
هەر چەندە هەولێر یاریەکەی بە گۆڵێکی بێ وەڵام دۆڕاند، لە خولەکەکانی کۆتایی یاریەکەدا ئەحمەد ڕێبواری گۆڵپارێز لە یاریزانێکی تیپەکەی خۆی بە ناوی عەلی سەرحان توڕە دەبێت و بە بۆکس دەکێشێت بە چاوی یاریزانەکەدا و دەکەوێتە سەر زەوی، لە بەرامبەر ئەم ڕەفتارەی کارگێڕی یانەی هەولێر کەمێک لە مەوبەر بڕیاریدا گۆڵپارێزی ناوبراو بۆ یەک ساڵ سڕبکات و بەبڕی 5 ملیۆن دیناریش سزای بدات، ئەم سزایە لە کاتێکدایە کە تیپەکەی خولی کوردستان تا ئێستا هیچ مووچەیەکیان وەرنەگرتووە، ڕاگەیەنراوەکەی هەولێر دەڵێت :
بەهۆی ئەو هەڵسوکەوتە ناوەرزشیەی کە لە یاری نێوان یانەکەمان و یانەی زاخۆ، لە خولی نایابی کوردستان نیشانیدا، دەستەی کارگێڕی یانەکەمان، بڕیاریدا بە، سڕکردنی گۆڵپارێزی یانەکەمان (ئەحمەد رێبوار) بۆیەك وەرز وە پێبژاردنی بەبڕی (5,000,000) پێنج ملیۆن دینار بە گۆڵپارێزی ناوبراو، لە هەمان کاتدا سوپاس و پێزانینی خۆیان ئاڕاستەی یاریزانی یانەکەمان (عەلی سەرحان) کرد، بەهۆی ئەو هەڵسوکەوتە جوان و وەرزشیەی لە یارییەکە نیشانیدا.
