ئێرلینگ هالاند بووە براوەی خەڵاتی باشترین یاریزانی ساڵی پریمەرلیگ بۆ وەرزی رابردوو.
ساڵانە یەکێتی یاریزانە پیشەگەرەکانی ئینگلتەرا باشترین یاریزانی ساڵ دەستنیشان دەکات و بۆ وەرزی رابردووش ئێرلینگ هالاند لە یەکەم وەرزیدا لەگەڵ مانچێستەر سیتی خەڵاتەکەی بردەوە. ئەمەش پاش تۆمارکردنی 52 گۆڵ لە سەرجەم پاڵەوانێتییەکان لەگەڵ پێپ گواردیۆلا.
پاڵێوراوەکانی دیکە بریتی بوون لە : کێڤن دی بروین، جۆن ستۆنز، ساکا، مارتن ئۆدیگارد و هاری کەین.
— Professional Footballers’ Association (@PFA) August 29, 2023
ساکای ئەستێرەی ئارسناڵ هەرچەندە ئەو خەڵاتەی نەبردەوە بەڵام خەڵاتی باشترین یاریزانی لاوی پێدرا بە تۆمارکردنی 14 گۆڵ و 11 ئاسیست بۆ گەنەرز.
کاندیدەکانی دیکەی خەڵاتی باشترین یاریزان بریتی بوون لە گابریێل مارتینێلی، مۆیس کایسیدۆ، ئیڤان فێرگسن و جەیکوب رامسی.
