یاریگا
بەم نزیکانە یانەی ئەیسی میلان ئۆفەرێکی 15 ملیۆن یۆرۆیی پێشکەش بە پۆرتۆ دەکات بۆ گواستنەوەی مەهدی تارەمی هێرشبەری ئێرانی ئەو یانەیە.
ڕۆژنامەی گازێتا دیلۆ سپۆرت بڵاویکردەوە، میلان بەنیازە 12 ملیۆن یۆرۆ لەگەڵ 3 ملیۆن یۆرۆ وەکو پاداشت پێشکەش بکات، بۆ ئەوەی لە کۆتا ڕۆژەکانی گواستنەوەی هاوینەدا مەهدی تارەمی بگوازێتەوە ریزەکانی.
بە لەبەرچاوگرتنی ئەوەی کە هێرشبەرە ئێرانیەکە تەنها ساڵێکی دیکە لە گرێبەستەکەی ماوە لەگەڵ پۆرتۆ، ڕۆسۆنێری هیوادارە ئەم پێشنیازە لەلایەن یانە پورتوگالییەکە قبوڵ بکرێت.
