ئەمڕۆ گەڕی 37ـی خولی نایابی عێڕاق بەڕێوە دەچێت کەوا گەڕی پێش کۆتایی خولەکەیە و ڕەنگە پاڵەوانی ئەم وەرزە دیار بکەوێت.
یانەی شوڕتە لە کاتژمێر 7:45 خولەکی شەو، لە یاریگای میسانی ئۆڵۆمپی بەرامبەر یانەی نەفتی میسان یاری دەکات، بە سەرکەوتن لە یاریەکەی ئەمڕۆدا، یانەی شوڕتە ڕاستەوخۆ دەبێتە پاڵەوانی ئەم وەرزەی خولی نایابی عێڕاق کە لە دوو یاری دا تەنها پێویستی بە سێ خاڵە، شوڕتە کە یاریزانی کورد ئاسۆڕۆستەم یاری بۆ دەکات ئەمساڵ بە ئاستێکی باش دەرکەوتن و چەندین گرێبەستی گران بەهایان ئەنجامدا، وێڕای دوورخستنەوەی ڕاهێنەری میسڕی موئمین سلێمان لە قۆناغی یەکەمی خولەکە، ئەحمەدسەڵاح ڕاهێنەری لاوی عێڕاقی توانی یانەکە جارێکی تر بگەیەنێتەوە لوتکە.
لە بەردەوامی یاریەکانی ئەمڕۆ و کاتژمێر 5:30 ئێوارە، یانەی نەورۆز لە یاریگای شەعبی نێودەوڵەتی دەبێتە میوانی یانەی تەڵەبە، یانەی دهۆک کاتژمێر 7:45 خولەکی شەو، میوانداری یانەی حدود دەکات، لە یاریەکی بەهێزیشدا کاتژمێر 10ـی شەو یانەی نەورۆز لە شاری بەغداد و لە یاریگای شەعب ڕووبەڕووی یانەی قوەی جەوی خاوەن پلەی دووەمی خولی نایابی عێڕاق دەبێتەوە.
سبەی یەکشەمە 16/7/2023 کاتژمێر 9ـی شەو لە نێو یاریگای فرانسۆهەریری یانەی هەولێر میوانداری یانەی نەجەف دەکات.
