هەولێر و زاخۆ ڕووبەڕووی یەکتر دەبنەوە

لە گەڕی 35ـی خولی نایابی عێڕاق، هەر دوو یانەی هەولێر و زاخۆ ڕووبەڕووی یەکتر دەبنەوە.

بڕیارە سبەی چوارشەممە 5/7/2023 لە یاریەکی بەهێزدا، یانەی هەولێر لە یاریگای فرانسۆهەریری میوانداری یانەی زاخۆ بکات، هەولێر لە پلەی حەفتەمە بە 49 خاڵ و یانەی زاخۆ بە 40 خاڵ لە پلەی چواردەمی ڕیزبەندی خولی نایابی عێڕاق دێت.

نزارمەحروس ڕاهێنەری پێشووی یانەی هەولێر کە ئێستا ڕاهێنەری یانەی زاخۆیە، جارێکی تر دەگەڕێتەوە شاری هەولێر و ئەمجارەیان بە مەبەستی سەرکەوتن بە سەر یانەکەی پایتەختی کوردستانە، عەباس عوبێدی ڕاهێنەری یانەی هەولێریش بە فەرمی دوێنێ گرێبەستەکەی نوێکرایەوە و بۆ وەرزی داهاتووش لەگەڵ پاسەوانەکانی قەڵا بەردەوام دەبێت، مێژووی ڕووبەڕوو بوونەوەی هەر دوو یانەش لە بەرژەوەندی یانەی هەولێرە بەمشێوەیە:

هەردوو یانەی هەولێر و زاخۆ لە مێژووی خۆیاندا لە (30) یاری فەرمیدا رووبەڕووی یەکتر بوونەتەوە
(30) یاری فەرمی
(15) بردنه‌وه‌ بۆ هه‌ولێر
(5) بردنه‌وه‌ بۆ زاخۆ
(10) یه‌كسان بوون
یانه‌ی هه‌ولێر (36) گۆڵی له‌ یانه‌ی زاخۆ کردووه‌.
یانه‌ی زاخۆ (20) گۆڵی له‌ یانه‌ی هه‌ولێر كردووه‌.
یەکەم یاری نێوان هەردوو یانە: دەگەڕێتەوە بۆ ڕێکەوتی 20/9/2002، لە یاریگای زاخۆ لە چوارچێوەی یارییەکانی قۆناغی یه‌كه‌می خولی نایابی عێڕاق بۆ وه‌رزی 2002-2003 کە یارییەکە کۆتایی هات بە سەرکەوتنی یانەی هەولێر بە ئەنجامی 3-1.
دوایین یاری نێوان هەردوو یانە: لە ڕێکەوتی 2023/2/11 بوو لە یاریگای زاخۆ، لە چوارچێوەی یارییەکانی قۆناغی یەکەمی وەرزی ئەمساڵی خولی نایابی عێڕاق 2022-2023، کە یارییەکە کۆتایی هات بە یەکسان بوونی هەردوو یانە بە بێ گۆڵ.