وادەی نوێکردنەوەی گرێبەستی رامسدێل دیاریکرا

یاریگا

ئارۆن رامسدێل گۆڵپارێزی یانەی ئارسێناڵی ئینگڵتەرا هەفتەی داهاتوو گرێبەستەکەی لەگەڵ یانەکەی نوێدەکاتەوە.

فابریزیۆ رۆمانۆ رۆژنامەنوسی ئیتاڵی بڵاویکردەوە، کارگێری گەنەرز لەسەر زۆربەی وردەکارییەکانی نوێکردنەوەی گرێبەستەکەی گۆڵپارێزی یانەکەی رێکەوتووە و هەفتەی داهاتوو بەشیوەیەکی فەرمی پرۆژەکە دەچێتە بواری جێبەجێ کردنەوە.

رۆمانۆ ئاماژەی بەوەشکردووە ئەم هەفتەیە گرێبەستەکەی رامسدێل واژۆ ناکرێت، چونکە هەندێک وردەکاری ماوە و بە ئەگەرێکی زۆرەوە هەفتەی داهاتوو هەموو شتێک کۆتایی دێت.

رامسدێل لەوەتەی ساڵی 2021 پەیوەندی بە ئارسێناڵ کردووە و تاوەکو ساڵی 2025 گرێبەستی لەگەڵ یانەکەی هەیە و بڕیاریشە بۆ ماوەی سێ ساڵی دیکە واتە تاوەکو ساڵی 2028 گرێبەستەکەی نوێ بکرێتەوە.