سێ یاریزانی کورد لە لیستی کۆتایی لاوانی هەڵبژاردەی عێڕاقدان

بڕیارە سەرەتای مانگی داهاتوو لە وڵاتی ئۆزبەکستان، پاڵەوانێتی جامی ئاسیا لە سەر ئاستی لاوان بەڕێوە بچێت.

عیمادمەحەمەد، ڕاهێنەری هەڵبژاردەی عێڕاق چەند مانگێکە خەریکی ئامادە کاری و یاری دۆستانە و کەمپی مەشقیە بۆ ئەم پاڵەوانێتیە.

لە کۆتاییدا ڕاهێنەرەکەی هەڵبژاردەی عێڕاق 23 یاریزانی دیاریکرد و لیستی کۆتایی ناوی یاریزانەکانی ئاشکرا کرد کە بە شداری لە پاڵەوانیەتی جامی ئاسیا دەکەن، لە لیستە کەدا سێ یاریزانی کورد دەبینرێن کە ئەوانیش ئیسماعیل ئەحمەد لە یانەی نەورزۆ و عەبدلقادرئەیوب و مستەفا قابیل لە یانەی هەولێر.

یاریزانە بانگهێشتکراوەکانی هەڵبژاردەی بۆ بەشداریکردن لە جامی ئاسیا ( ئیسماعیل ئەحمەد ، ئەسهەرعەلی ، سەجادمەحەمەد ، حەیدەرعەبدلکەریم ، سەجادمەحەمەد مەهدی ، عەباس ماجد ، عەباس فازل ، عەبدولرەزاق قاسم ، عەلی سادق ، موسلم موسا ، شربل شمعون ، عەباس کەریم ، کازم رەعد ، عەلی جاسم ، مەحەمەدجەمیل ، عەباس مانع ، ڕەزا عەبدالعزیز ، عبودرباح ، عەلی عەباس ، مستەفاقابیل ، عەبدولقادرئەیوب ، ئادم رشید ، حسێن حەسەن )

لاوانی هەڵبژاردەی عێڕاق لە کۆمەڵەی یەکەمە لەگەڵ هەر یەک لە هەڵبژاردەکانی سوریا ، ئوزبەکستان ، ئەندۆنیسیا، لە یەکەم یاریشدا بەرامبەر هەڵبژاردەی ئەندۆنیسیا یاری دەکات.