یاریگا–
بڕیارە لە رۆژانی داهاتوو دیدیێ دێشامپ راهێنەری هەڵبژاردەی فەرەنسا لیستی کۆتایی یاریزانە بانگهێشت کراوەکانی بۆ مۆندیال بڵاوبکاتەوە و دەنگۆیەکیش هەیە دوو یاریزانی دیار بانگهێشت نەکرێن.
رۆژنامەی لیکیپی فەرەنسی بڵاویکردەوە، راهێنەری هەڵبژاردەی وڵاتەکەیان لیستی کۆتایی بۆ مۆندیالی 2022 ئامادە کردووە و لە لیستەکەیدا ناوی فێرلاند مێندی بەرگریکاری یانەی ریال مەدرید و ئانتۆنی مارسیال هێرشبەری یانەی مانچێستەر یونایتدی تێدا نیە و ئەو دوو یاریزانە بانگهێشتی مۆندیال ناکرێن.
سەرچاوەکە هۆکاری بانگهێشت نەکردنی ئەو دوو یاریزانە بۆ دابەزینی ئاستەکەیان دەگەڕێنێتەوە، بەڵام دیار نیە کێ لە شوێنی ئەو دوو یاریزانە بانگهێشت دەکرێن.
