یاریگا-
یانەی ئۆڵۆمپیك مارسیلیای فەرەنسی سەركەوتوو بوو لە گواستنەوەی ئەلێکسیس سانچێزی چیلی و ئەستێرەی پێشووی یانەی ئینتەر میلان.
مارسیلیا له به‌یاننامه‌یه‌كدا كه له ماڵپه‌ڕی فه‌رمی خۆی بڵاوی كردووه‌ته‌وه، رایگه‌یاند: گه‌یشتووین به رێككه‌وتنێك بە مەبەستی واژۆكردنی گرێبەستێك لەگەڵ ئه‌لێكسیس سانچێز.
لە راگەیەندراوەکەدا ئاماژە بەوەشکراوە، سانچێز کە 143 یاری بۆ هەڵبژاردەی شیلی کردووە و لە ژیانی وەرزشیدا 17 پاڵەوانێتی بەدەستهێناوە، لە چەند کاتژمێری داهاتوودا پشکنینی پزیشکی بۆ دەکرێت.
لە راگەیەندراوەکەی یانە فەڕەنسیەكەدا ماوەی گرێبەستەکە و هیچ بابەتێکی دیکەی دارایی ئاشکرا نەكراوە.
ئەلێکسیس سانچێزی تەمەن 33 ساڵ بە شێوەیەکی بێبەرامبەر پەیوەندی بە یانەی مارسیلیا دەکات، دوای ئەوەی گرێبەستەکەی لەگەڵ ئینتەرمیلان هەڵوەشایەوە.
