یاریگا-
ئیدارەی یانەی پاریس سان جێرمانی فەڕەنسی بەردەوامن لە هەوڵدان بۆ ڕازیكردنی كیلیان ئیمباپێی فەڕەنسی و ئەستێرەی یانەكەیان كە لەیانەكە بمێنێتەوە.
لش هاوینی ئەمساڵدا گرێبەستەكەی كیلیان لەگەڵ پاریس بەسەردەچێت و تا ئێستاش یاریزانەكە داهاتووی خۆی یەكلا نەكردووەتەوە.
بەپێی زانیاریەكانی ڕۆژنامەی لو پاریزیانی فەڕەنسی پاریس خۆ بەدەستەوە نادات و بەردەوامە لە هەوڵدان بۆ ڕازیكردنی هێرشبەرەكە و ئەمجارە ئۆفەرێكیان بە موچەی ساڵانەی 50 ملیۆن یۆرۆ پێشكەشكردووە.
هەروەها هەمان سەرچاوە ئاشكرایكردووە یانە فەڕەنسیەكە 100 ملیۆن یۆرۆ وەك پاداشت بە یاریزانەكە دەدات لە ئەگەری مانەوەی لە یانەكەیان.
