یاریگا–
محەمەد سەڵاح، هێرشىەری میسڕی یانەی لیڤەرپوولی ئینگلیزی هەموو ئامانجی نوێکردنەوەی گرێبەستەکەی لەگەڵ یانەکەیەتی و هیچ بریارێکی بۆ پەیوەندی کردن بە یانەکانی ئیسپانیا نەداوە.
فابریزیۆ رۆمانۆ رۆژنامەنوسی ئیتاڵی زانیاری دەستکەوتووە، گفتوگۆکان لە نێوان یاریزانە میسڕییەکە و کارگێری یانەکەی لەسەر نوێکردنەوەی گرێبەستەکەی بەردەوامە، ئەو یاریزانە هیچ پلانێکی نیە بۆ پەیوەندی کردن بە یانەکانی لالیگا و، چاوەڕێ دەکات لە داهاتوو چارەنوسی خۆی لەگەڵ یانەکەی یەکلایی بکاتەوە.
سەڵاح هاوینی ساڵی 2023 گرێبەستەکەی لەگەڵ یانەکەی کۆتایی دێت و، ئەو یاریزانە بەهۆی کەمی مووچەکەی تاوەکو ئێستا رازی نەبووە گرێبەستەکەی لەگەڵ لیڤەرپوول نوێ بکاتەوە.
