یاریگا- دەنگۆی گەڕانەوەی نێیمار بۆ بارسێلۆنا لە گەرمترین بابەتەکانی نێو میدیا وەرزشییەکانە و هەندێکیشیان باس لەوە دەکەن کە هێرشبەرەکەی پاریس بڕیاری گەڕانەوەی بۆ کامپ نو بە ناسر خەلیفە ڕاگەیاندووە.
لەو بارەیەوە مارکینۆسی بەرگریکاری پی ئێس جی و هاونیشتیمانیی نێمار دوای یارییەکەیان بەربەر ڤێنزەوێلا گوتی: “وەک هاندەرێک و هەوادارێکی نێیمار، داوای لێ دەکەم بمێنێتەوە. یاریزانێکی لەو ئاستە و بەو توانایەی، جیاوازیی دروست دەکات. من لە گەڵیدا قسەم نەکردووە، چونکە تەرکیزمان لەسەر هەڵبژاردەیە، بۆیە خۆی دەزانێت چی بۆی باشە و بیکات، سەرۆکی یانەش هەروا. زانیارییشم نییە کە گفتوگۆییەک لە ئارادا هەبێت.”
لە لایەکیتریشەوە هاوڕێیانی نێیمار لە بارسێلۆناوە، بە گوێرەی سەرچاوە جیاوازەکان، داوایان لە هاوتیمەکەی پێشووتریان کردووە بگەڕێتەوە کامپ نو.
