یاریگا-
لیۆنێل میسی ئەفسانەی ئەرجەنتینی و هێرشبەری یانەی پاریس سان جێرمانی فەڕەنسی دڵخۆشی خۆی دەربڕی بە بردنەوەكەیان لە مانچێستەر سیتی.
پاریس توانی بە ئەنجامی دوو گۆڵی خاوێن لە مانچێستەر سیتی بباتەوە ، لە میانەی یاریەكانی هەفتەی دووەمی قۆناغی كۆمەڵەكانی خولی یانە پاڵەوانەكانی ئەوروپا.
لە دوای یاریەكە میسی بۆ كەناڵ پڵەس ووتی: مانچێستەر سیتی ڕكابەرێكی گەورەیە ، دەرچوون لەو یاریە بە بردنەوە شتێكی نایابە.
هەروەها ووتیشی: هەست بە دلخۆشی دەكەم بە تۆماركردنی یەكەم گۆڵم بۆ پاریس سان جێرمان ، لەو دواییانەدا تووشی پێكان بووم و بە شێوەی بەردەوام یاریم نەدەكرد ، ئەوە دووەم یاریم بوو كە بە تەواوەتی بەشداری بكەم.
بەردەوام بوو ووتی: هەوڵ دەدەم زیاتر بەرەو پێشەوە بچم و زیاتر خۆم لەگەڵ تیمەكەم ڕابێنم ، پەیوەندیم زۆر باشە لەگەل هێرشبەرەكان ،بە شێوەیەكی خێرا بەرەو پێشەوە ڕۆشتین.
