یاریگا–
بەهۆی ئەنجامە خراپەکانی ئەم وەرزەیان، کارگێری یانەی ئارسێناڵی ئینگلیزی بیر لەوە دەکاتەوە میکێل ئارتێتا لە پۆستەکەی دوور بخاتەوە و ئانتۆنیۆ کۆنتی ئیتاڵی وەکو شوێنگرەوەی دەست نیشان بکات.
رۆژنامەی میرەری بەریتانی بڵاویکردەوە، ماوەیەکە کارگێری گەنەرز لە هەوڵی ئەوەدایە راهێنەرەکەی پێشووی یانەکانی چێڵسی و ئینتەر میلان رازی بکات بۆ ئەوەی راهێنەرایەتی یانەکەیان بکات، بەڵام ناوبراو ئەم داواکارییە رەتدەکاتەوە و پێیوایە ئەو یانەیە توانای رکابەری کردنی لەسەر بەدەستهێنانی ناسناوەکان نیە.
کۆنتی دوای وازهێنانی لە پۆستی راهێنەرایەتی یانەی ئینتەر میلانی ئیتاڵیا، تاوەکو ئێستا لەگەڵ هیچ یانەیەک نەگەیشتووەتە رێکەوتن.
