یاریگا-
تۆرگان هازارد ، ئەستێرەی هەڵبژاردەی بەلجیكا باسی پێكانەكەی ئیدین هازاردی برای دەكات.
هەلبژاردەی بەلجیكا توانی بە تاكە گۆڵێكی تۆرگان هازارد لە پورتوگال بباتەوە و خۆی گەیاندە قۆناغی چارەكی كۆتایی جامی نەتەوەكانی ئەوروپا.
لە خولەكەكانی كۆتاییدا ئیدین هازارد تووشی پێكان بوو بە هۆیەوە یاریگای جێهێشت.
تۆرگان لە لێدوانی دوای یاریەكە ووتی: ئەوە گرنگترین گۆڵی ژیانم بوو ، ژمارەیەكی زۆر پەیام و پیرۆزباییم بەدەست گەشت.
سەبارەت بە پێكانەكەی هازاردی برای تۆرگان ووتی: هیوادارم پێكانەكەی مەترسیدار نەبێت ، بەڵام باشیش دیار نەبوو ، تیمێكی پزیشكی باش لێرە هەیە ، دەبێت چاوەڕێ بكەین ، هیوادارم هازارد لەگەڵمان بمێنێتەوە لە پاڵەوانیەتیەكەدا هەروەها كیڤن دی برۆین چونكە پێویستمان بەو دووانە هەیە.
شایەنی باسە بەلجیكا لە قۆناغی چارەكی كۆتایی ڕووبەڕووی ئیتاڵیا دەبێتەوە.
