یاریگا-
محەمەد سەڵاحی میسڕی و ئەستێرەی یانەی لیڤەرپولی ئینگلیزی لە ئامارێكی نایابدا پێش تێری هێنری فەڕەنسی و ئەستێرەی پێشووی ئەرسیناڵ كەوت.
لیڤەرپول توانی بە سێ گۆڵی بێ وەڵام لە ئەرسیناڵ بباتەوە و گۆڵەكانی ڕێدز لەلایەن دیگۆ جۆتا دوو گۆڵ و محەمەد سەڵاح گۆڵێك تۆمار كران.
بەپێی تۆڕیESPN محەمەد سەڵاح سەركەوتوو بوو لە تێپەڕاندنی ژمارەكەی تێری هێنری كە لە 150 یاریدا 92 گۆڵی لە پریمەرلیگ تۆمار كردبوو ، سەڵاح بەو گۆڵەی ئەمشەو لە 150 یاریدا توانی 93 گۆڵ لە خولی ئینگلیزی تۆمار بكات.
شایەنی باسە لیڤەرپول بە كۆكردنەوەی 49خاڵ لە ڕیزبەندی پێنجەمی پریمەرلیگ دێت.
