یاریگا-
خوان لاپۆرتا ٢٤ کاتژمێر کاتی ماوە تاکو ١٢٤،٦ ملیۆن یۆرۆ پەیدابکات یان نابێتە سەرۆک!!
خوان لاپۆرتا لە ٧-٣ بە سەرۆکی نوێی بارسیلۆنا هەڵبژێردرا بە رێژەی ٪٥٤ ی دەنگی ئەندامانی یانەکە دیاریکرا، لە دوای هەڵبژاردنی لاپۆرتا ١٠ رۆژ مۆڵەتی هەیە کە پشتگیری دارایی بانکێک بێنێت کە ٪١٥ بوجەی یانەکەبێت، بەو پێیەش تا سبەینێ کە ١٧ ی مانگە کات ماوە لەبەردەم لاپۆرتا تا پارەکە حازربکات.
دەتوانێت پەیدای بکات؟ ئەگەر نەبوو؟!
جاومی گیرۆ یەکێک لە جێگرەکانی لاپۆرتا و کە هاوکاری بوو لە هەڵمەتی هەڵبژاردنەکەیدا رۆژی یەک شەممە لە تیمەکە کشایەوە ، جاومی جێگری لاپۆرتا بوو بۆ کاروباری دارایی پەیوەندیەکی باشی هەبوو لەگەڵ بانکەکاندا و رۆیشتنی ئەم ئەو کێشەیەی دروستکردوە.
میدیای کەتەلۆنی دەڵێن لاپۆرتا قسەی لەگەڵ چەند بانکێکدا کردوەو لەهەوڵی بە پەلەدایە تا ئێوارەی ٤ شەممە پارەکە پەیدا بکات، ئەگەر بێت و لاپۆرتا کاتەکەی تەواوبێت و ١٢٤.٦ ملیۆنەکە پەیدا نەکات، ئەوە سەرۆکێکی کاتی بۆ یانەی بارسیلۆنا دادەنرێت و کاتی هەڵبژاردنی تازە دیاری دەکرێت.
جێی باسە یانەی بارسیلۆنا بڕی ١ ملیار و ١٧٣ ملیۆن دۆلار قەرزارە و ٦٠٠ ملیۆنی ئەو قەرزانە دەبێت لەم هاوینەدا بداتەوە، ئەرکی لاپۆرتا یان هەرکەسێکی تر زۆر قورسە تا ئەو بڕە پارەیە بۆ یانەی بارسیلۆنا پەیدا بکات لەو ماوە کەمەدا.
