یاریگا-
یانەی بارسێلۆنای ئیسپانی جۆری پێكانەكەی ڕونالد ئاراوخۆی ئۆرۆگوای و بەرگریكاری یانەكەی ئاشكرا كرد.
بارسێلۆنا بە سێ گۆڵ بەرامبەر دوو گۆڵ لە ڕیاڵ بیتسی بردەوە ، لە میانەی یاریەكانی هەفتەی 22ی خولی ئیسپانی ، كە تێیدا ئاراوخۆ تووشی پێكان بوو بەهۆیەوە نەیتوانی یاریەكە تەواو بكات و یاریگای جێهێشت.
یانەكە ئەمڕۆ لە بەیاننامەیەكی فەرمیدا ڕایگەیاند ئەو یاریزانە ئەمڕۆ پشكنینی ئەنجامداوە و دەركەوتووە لە پاژنەی چەپیدا پێكانی هەیە.
لە بەیاننامەكەدا ماوەی دووركەوتنەوەی ئاشكرا نەكراوە بەڵام زۆربەی سەرچاوەكان ئاماژە بەوە دەكەن یاریزانەكە بۆ ماوەی مانگێك لە یاریگاكان دوور دەكەوێتەوە.
