یاریگا- ئەنتۆنیۆ کۆنتی گازندە و ڕەخنەکانی خۆی نەشاردەوە لەسەر بڕیارە ناوبژیوانییەکان و سیستمی ڤار.
شەوی ڕابردوو دوای ئەوەی ئینتەر میلان نەیتوانی خۆی بگەیەنێتە قۆناغی 16ی چامپیۆنزلیگ، کۆنتی لە کۆنفرانسی ڕۆژنامەوانی دوای یارییەکە ناڕەزایەتی خۆی پیشان دا و گوتی: “بە درێژایی یارییەکان چامپیۆنزلیگ، بەدشانس بووین لەگەڵ ڤار و ناوبژیواندا. ئێستا کە لە پاڵەوانێتیەکە کراوینەتە دەرەوە، دەبێ ئەمە بڵێم وا لە منەوە دیارە ئینتەر ڕێزی لێ نەگیراوه. ئەگەر بگەڕێیتەوە و سەیری حاڵەتەکان بکەیت کە تێیاندا سەیری ڤار نەکراوەتەوە و هەڵسەنگاندن بۆ حاڵەتەکە نەکراوە.”
نێرازۆری وەک نەیتوانی سەر بکەوێت بۆ قۆناغی دواتری چامپیۆنزلیگ، ڕیزبەندیی سێیەمیشی بۆ بەرژەوەندیی شاختار لە دەست دا و، کورانی کۆنتی یۆرۆپالیگیشیان مسۆگەر نەکرد.
