یاریگا–
ئالڤارۆ مۆراتا، هێرشبەری ئیسپانی یانەی ئاتلێتیکۆ مەدریدی ئەم وڵاتە بە تووشی پێکان بووە و ماوەیەک لە یاریگاکان دوور دەکەوێتەوە.
ماڵپەری فەرمی رۆخێ بلانکۆس پشت راستی کردووەتەوە گۆڵکارەکەی یانەکەیان لە یاری رابردوو بەرامبەر ریال مەدرید لە ماسولکەی رانیدا تووشی پێکان بووە و ماوەیەک لە یاریگاکان دوور دەکەوێتەوە، ئەمە لە کاتێکدایە دوو هێرشبەرەکەی دیکەی ئەم یانەیەش کۆستا و فێلێکس پێکانیان هەیە و ناتوانن یاری بکەن.
یانە مەدریدییەکە تاوەکو ئێستا وادەی دوور کەوتنەوەی مۆراتای بڵاو نەکردووە، بەڵام سەرچاوەکانی نزیک لەم یانەیە باس لەوە دەکەن ئەو یاریزانە دوو هەفتە لە یاریگاکان دادەبڕێت.
