کریستیانۆ رۆناڵدۆ گرێبەستەکەی نوێکردووەتەوە؟
ئەفسانە پۆرتوگالییەکە لەگەڵ عالەمی دڵخۆشە
یاریگا –
پێشبینی دەکرێت کریستیانۆ رۆناڵدۆ بۆ وەرزێکی دیکە لەگەڵ نەسڕ بەردەوامبێت.
هەینی رابردوو لە دوبەی پازدەیەمین ئاهەنگی دابەشکردنی خەڵاتەکانی گڵۆب سۆکەر بەڕێوەچوو، کریستیانۆ رۆناڵدۆ خەڵاتی باشترین یاریزانی رۆژهەڵاتی ناوەڕاست و باشترین گۆڵکاری مێژوویی تۆپی پێی پێبەخشرا.
کریستیانۆ لە هاوینی 2025 گرێبەستەکەی لەگەڵ نەسڕ کۆتایی دێت. بەگوێرەی میدیاکانی سعوودیە، نەسڕ ئۆفەرێکی بۆ نوێکردنەوەی بۆ وەرزێکی دیکە پێشکەشکردووە. بەڵام رۆناڵدۆ هێشتا وەڵامی نەداوەتەوە و بیر لە بابەتەکە دەکاتەوە.
🚨🚨🚨
الأسطورة كريستيانو:
“بعد شهر سيصبح عمري 40 عامًا، لكنني لم أنتهِ بعد. سأستمر لأنني أريد الفوز بالبطولات وتسجيل الأهداف، وأحاول أن أفوز مع المنتخب الوطني.” 🔥🔥🔥🔥 pic.twitter.com/LLwCJ4IGok
— عالم القوت (@GOATTWORLD) December 27, 2024
بەڵام ئەفسانە پۆرتوگالییەکە لە رێوڕسمی گڵۆب سۆکەر رایگەیاند؛ دەیەوێت لەگەڵ نەسڕ نازناوێک بەدەستبهێنێت، بەڵام بەهۆی بەهێزی هیلال و ئیتیحاد تاوەکو ئێستا بە خەونەکەی نەگەشتووە. سەرەڕای ئەوەش لەگەڵ “عالەمی” زۆر دڵخۆشە و هەوڵ بۆ بەدیهێنانی ئەو خەونەی دەدات.
رۆژنامەنووسی سعوودی عەلی عزنی لەوبڕوایەدایە کریستیانۆ بۆ وەرزێکی دیکەش لە نەسڕ دەمێنێتەوە، چونکە دۆن لە رێوڕەسمەکە بەڕوونی ئاشکرایکرد لەگەڵ یانەکەی زۆر دڵخۆشە و خواستی خۆی بۆ مانەوە دەربڕیووە، لێدوانەکانی ئاماژەن بۆ ئەوەی گرێبەستەکەی نوێدەکاتەوە و بیر لە جێهێشتنی یانەکە ناکاتەوە.
کریستیانۆ لەم وەرزە بە درێسی یانەکەی لە 19 یاریی بەشداری 19 گۆڵی کردووە. 16 گۆڵی کردووە و 3 گۆڵیشی دروستکردووە.
علي العنزي: رونالدو أكد استمراره مع النصر في جوائز غلوب سوكر#دورينا_غير_على_قناة_السعودية#هيئة_الإذاعة_والتلفزيون pic.twitter.com/0QGk5KdYuv
— #دورينا_غير (@SBA_sport) December 29, 2024
