یاریگا –
کریستیانۆ رۆناڵدۆ پلانی خۆی بۆ دوای وازهێنانی لە یاریکردن رادەگەیەنێت و دەڵێت: نامەوێت ببمە راهێنەر.
کریستیانۆ رۆناڵدۆ لە دیمانەیەکی لەگەڵ کەناڵی NOW لەبارەی پلانی بۆ دوای وازهێنانی لە یاریکردن دەڵێت :’لەم کاتەدا بەهیچ شێوەیەک نامەوێت رۆژێک لە رۆژان ببمە راهێنەری هیچ تیپێک، ئایندەی خۆم وا نابینم، من دوای وازهێنانم لە یاریکردن خۆم لە دەرەوەی تۆپی پێ دەبینمەوە و بروام وایە کاری دیکە دەکەم، بەڵام خودا خۆی دەزانێت لە داهاتوو چی روودەدات’.
View this post on Instagram
هێرشبەرە پۆرتوگاڵییە 39 ساڵانەکە کە نزیکەی 20 ساڵە درێسی هەڵبژاردەکەی دەپۆشێت، رەتیدەکاتەوە واز لە یاریی نێودەوڵەتی بهێنێت :’من لەم کاتەدا ئەوەی دەمەوێت یارمەتیدانی هەڵبژاردەکەمە، دەمەوێت لە پاڵاوتنەکانی مۆندیال و یۆرۆ یارمەتی هەڵبژاردەکەم بدەم’.
هەروەها دەشڵێت :’ئەگەر رۆژێک لە رۆژان بڕیاری وازهێنانم دا، ئەوا بە کەس ناڵێم و داوای لێبوردن لە کەس ناکەم، بە هەڕەمەکی بڕیاری وازهێنانم لە پۆرتوگاڵ رادەگەیەنم، دڵنیام بڕیارەکەم چاوەڕواننەکراو دەبێت بۆ هاندەران، بەڵام خوێندنەوەیەکی باش بۆ بڕیارەکەم دەکەم ئینجا رایدەگەیەنم’.
