یاریگا-
بەفەرمی عەلی شاخەوان ئەستێرەی پێشووی یانەی هەولێر، پەیوەندی بە قوە جەوییەوە کرد.
عەلی شاخەوان هاوینی رابردوو بۆ ماوەی دوو وەرز بە 110 ملیۆن دینار گرێبەستی لەگەڵ یانەی هەولێر واژۆ کرد، بەڵام دواتر بە رێککەوتن و رەزامەندیی هەردوولا گرێبەستەکەیان بۆ ساڵێک کەمکردەوە، دوای تەواوبوونی یارییەکانی ئەم وەرزەی خولی ئەستێرەکانی عێراق، پەیوەندییەکەی لەگەڵ یانەی هەولێر کۆتایی پێ هێنا، و ئەمڕۆ بەفەرمی پەیوەندی بە دووەمی خولی ئەستێرەکانی عێراقەوە کرد.
