خاڵی ناکۆکی نێوان مانچێستەر سیتی و نەسڕ چیە سەبارەت بە گواستنەوەی ئێدرسن؟
یاریگا –
مانچێستەر سیتی بە ئاسانی رازی نابێت بۆ ئۆفەرەکانی یانەی نەسڕ بۆ دەستبەرداربوون لە ئێدەرسنی گۆڵپارێزی.
ماوەیەکەی گۆڵپارێزە بەڕازیلیەکە ئامانجێکی گەورەی نەسڕە و بۆ ئەو مەبەستەیش چەند جارێک بە بڕ و ئۆفەرنی نوێوە لێی چونەتەپێشەوە. بە گوێرەی دوایین زانیارییەکان کە فابریزۆ رۆمانۆ بڵاویکردووەتەوە، پاکێجە نوێیەکەی نەسڕ بۆ گواستنەوەی ئێدەرسن بەهاکەی 30 ملیۆن یۆرۆیە، بەڵام مان سیتی بەوە قایل نابێت.
Al Nassr initial proposal to Man City for Ederson, worth €30m package.
There’s big gap in valuation as Man City won’t accept this fee, they want more than €50m to let Ederson leave.
Brazilian GK has already agreed to move to Saudi Pro League, depends on clubs now. pic.twitter.com/81q6A9fHR9
— Fabrizio Romano (@FabrizioRomano) July 15, 2024
وەک رۆمانۆ ئاشکرایکردووە، جیاوازیی نێوان کڕیار و فرۆشیار زۆر زۆرە و یانە ئینگلیزیەکە نایەوێ بە کەمتر لە 50 ملیۆن یۆرۆ گۆڵچیە 30 ساڵانەکەیان بچێتە دەرەوە.
هەر بەپێی زانیاریەکانی ئەو رۆژنامەنووسە، خودی ئێدەرسن پێشتر رازی بووە پەیوەندی بە خولی سعودیەوە بکات و ئێستا هەمووشت لەنێوان دوو یانەکەدا قەتیس ماوە.
ئەو گۆڵپارێزە کە لە ساڵی 2017 لە یانەی بێنفیکای پۆرتوگالیەوە گواسترایەوە سیتیزنس، وەک کۆڵەگەیەکی سەرەکی بووە لە ریزی ئەو یانەیە و متمانەی تەواوەتی پێپ گواردیۆلای پێبەخشراوە. هەر لە سیتی بوو کە زۆرێک لە دەستکەوتە ناوخۆییەکان و ئەورووپیی و جیهانییەکانی چنیەوە، کە گرنگترینیان چامپیۆنزلیگ بوو.
