یاریگا –
باس لەوە دەکرێت کە نێیمار داسیلڤا، هێرشبەری بەڕازیلی هیلالی سعوودی، دوای نزیکەی 9 بۆ 12 هەفتەیتر بە بێ هیچ کێشەیەک دەتوانێت دەست بە یاریی کردن بکاتەوە و لە یاریگادا ئامادە ببێت.
نێیمار ئەستێرەی بەڕازیلی بە چڕی بەرنامەکانی چارەسەرکردنی جێبەجێ دەکات و خۆی بۆ بەشداریکردن لە یارییەکانی یانەکەی لە وەرزی نوێدا ئامادە دەکات.
لە مانگی تشرینی یەکەمی ساڵی رابردووەوە نێیمار بەهۆی پێکانەوە و دڕانی بەستەرەکانی ئەژنۆی لە یاریگاکان دوور کەوتەوە.
🚨🚨🚨 نيمار يُصرررررررررح .. العودة في :
– سيُكمل العلاج والتأهيل والمدة المتوقعة للعودة نهاية شهر سبتمبر بمعنى قد يزيد عن 9 أسابيع. ❌
– العودة 9-12 أسبوع ⏳⏳⏳⏳⏳⏳⏳#إصابة_ملاعب https://t.co/XhuzV5TNHo pic.twitter.com/GkgoHvdOe5
— ثامر الشهراني | Thamer (@ithamer_7) June 23, 2024
تامر ئەلشەهرانی، پسپۆڕی پێکانە وەرزشییەکان و چارەسەری فیزیۆتێراپی، لە هەژماری خۆی لە تۆڕی کۆمەڵایەتی “X” گرتەیەکی ڤیدیۆیی بڵاوکردەوە، کە تێیدا نێیمار بەرنامەکانی چارەسەر ئەنجام دەدات.
ئەلشەهرانی ئاماژەی بەوەشکرد، نێیمار لە لۆس ئەنجلۆس ئامادەکارییەکانی تەواو دەکات و دوای نەشتەرگەری بەستەر و ئیسقانەکان چووەتە قۆناغە پێشکەوتووەکانی چاکبوونەوە. ئاماژەی بەوەشکرد، ماوەی گەڕانەوەی بۆ یاریگا بە نزیکەی 9 بۆ 12 هەفتە مەزەندە دەکرێت.
نێیمار لە سەرەتای وەرزی رابردوودا بە گرێبەستێک بە بڕی 90 ملیۆن یۆرۆ لە پاریس سانجێرمانەوە بۆ ماوەی دوو وەرز پەیوەندی بە هیلالەوە کرد.
