یاریگا- ئاریان ڕۆبنی ئەستێرەی ناوداری تۆپی پێ دوای کاروانێکی دوورودرێژی لەگەڵ هۆڵەندا بایەرن میونخ و دواجار وازهێنانی لە هاوینی ڕابردوو لەو یانەیە، بە کارێکی نوێوە دەرکەوتەوە و کە خۆی لە ڕاهێنەرکاریدا دەبینێتەوە.
ڕۆبن لە چاوپێکەوتنیدا لەگەڵ ڕۆژنامەی “بیڵد”ی ئەڵمانی ئەوەی درکاند لە ئێستادا لە نزیکی شوێنی مانەوەی خۆی لە میونخ، سەرقاڵە بە ڕاهێنانی تیپێک لە منداڵان کە تەمەنیان 7-8 ساڵان دەبێت بە ناوی TSV Grünwald و کوڕە تەمەن حەوت ساڵانەکەی خۆشی لەو تیپەیە.
هەر لەگەڵ هەمان ڕۆژنامەدا، ناوبراو بە دووری زانی لە ئێستادا نیازی هەبێت لە گەڕانەوەی بۆ لاکێشەی سەوز یاخود ڕاهێنەرایەتیکردنی تیپێکی پیشەگەر.
