یاریگا –
کارلۆ ئانچێلۆتی وادەی گەڕانەوەی تیبۆ کۆرتوا و ئێدێر میلیتاوی راگەیاند.
شەوی رابردوو لە یارییەکانی قۆناخی 16ـی چامپیۆنزلیگ، ریال مەدرید لە سانتیاگۆ بێرنابیۆ میوانداری لایپزیگی کرد و یارییەکە 1-1 کۆتایی هات. بە ئەنجامی یاری چوون و هاتن 2-1، مێرێنگی خۆی گەیاندە قۆناخی چارەکی کۆتایی.
دوای یارییەکە کارلۆ ئانچێلۆتی راهێنەری ریال مەدرید ئاشکرایکرد، بۆ یارییەکانی قۆناخی چارەکی کۆتایی تواناکانی هەریەکە لە یاریزانان کۆرتوای بەلجیکی و میلیتاوی بەڕازیلییان بۆ دەگەڕێتەوە و دەتوانن ئەوکات یاری بکەن.
هەردوو ئەستێرەکەی لۆس بلانکۆس لە سەرەتای ئەم وەرزەوە بەهۆی پچڕانی بەستەری ئەژنۆیان لە یاریکردن دابڕاون، گەڕانەوەیان لەم قۆناخە هەستیارە مژدەیەکی خۆشە بۆ هاندەرانی یانەکە.
