فەرمی؛ عەلی حەمادی بە گرێبەستێکی مێژوویی پەیوەندی بە ریزەکانی ئیپسویچ تاون کرد
یاریگا –
یانەی وێمبڵدنی ئینگلیزی بەفەرمی رۆیشتنی عەلی حەمادی هێرشبەری لاوی عێراقی بۆ ریزەکانی یانەی ئیپسویچ تاونی ئینگلیزی راگەیاند.
چەند خولەکێک دوای کرانە دەرەوەی عێراق لە جامی ئاسیا و دۆڕانی بەرامبەر ئوردن بە ئەنجامی 2-3 کە عەلی حەمادی لەو یارییە بەهۆی پێکانەوە بەشداریی نەکرد، یانەی وێمبڵدنی ئینگلیزی رۆیشتنی هێرشبەرە عێراقییەکەی بۆ ریزەکانی ئیپسویچ تاون راگەیاند.
✍️ We are delighted to announce the signing of Ali Al-Hamadi from AFC Wimbledon for an undisclosed fee.
The 21-year-old has penned a deal until the summer of 2028. ⤵️
— Ipswich Town (@IpswichTown) January 29, 2024
یانەی ویمبڵدن لە راگەیاندراوێکیدا ئاشکرایکردوو، عەلی حەمادی بە گرێبەستێکی پێوانەیی و مێژوویی لە خولی پلە سێی ئینگلتەراوە روودەکاتە ریزەکانی ئیپسویچ تاون.
گرێبەستەکەی حەمادی تاکو هاوینی 2028 دەبێت و یانەی ئیپسویچ تاون رایگەیاندووە عەلی لە یانەکەیان درێسی ژمارە 16 دەپۆشێت.
𝗔𝗹𝗶 𝗹𝗲𝗮𝘃𝗲𝘀 𝘁𝗵𝗲 𝗗𝗼𝗻𝘀 ➡️
The Club can confirm that Ali Al-Hamadi has joined Ipswich Town in a significant deal for club and player. #AFCW 🟡🔵https://t.co/MOns3lEJze
— AFC Wimbledon (@AFCWimbledon) January 29, 2024
عەلی حەمادی (21 ساڵ) سەرەتای ساڵی 2023 لە یانەی ویکۆمب وۆندەرزەوە پەیوەندی بە ریزەکانی ویمبڵدن کرد، بە درێسی یانەکە لە 48 یاری 27 گۆڵ و 8 ئەسیستی کردووە.
ئیسپویچ تاون بە کۆکردنەوەی 59 خاڵ لە پلەی دووەمی چامپیۆنشیپ (خولی پلەیەکی ئینگلتەرا) دێت، حەفت خاڵ لەدوای لێستەر سیتی پێشەنگەوە دێت و لە گەڕانەوەی بۆ پرێمەرلیگ نزیکە.