لیڤەرپوول ئەستێرەیەكی لالیگای دەوێت
یاریگا –
راپۆرتە رۆژنامەوانیەكان ئاشكرایانكرد یانەی لیڤەرپوولی ئینگلیزی گرنگی بە گواستنەوەی تواناكانی یاریزان تاكیفۆسا كوبۆی ژاپۆنی و ئەستێرەی یانەی ریال سۆسێدادی ئیسپانی دەدات.
گرێبەستەكەی كوبۆ لەگەڵ ریال سۆسێداد لە هاوینی ساڵی 2027 بەسەردەچێت.
🎶 Take doing what he does best #AthleticRealSociedad | #WeareReal pic.twitter.com/8VFxyaz6NQ
— Real Sociedad 🇺🇸 🇬🇧 (@RealSociedadEN) January 13, 2024
بەپێی زانیاریەكانی تۆڕی رێلیڤۆ لیڤەرپوول گرنگی بە گواستنەوەی تواناكانی كوبۆی ئەستێرەی ریال سۆسێداد دەدات.
لە راپۆرتەكەشدا هاتووە، لیڤەرپوول دەیەوێت یاریزانێك بۆ جێگای محەمەد سەڵاحی میسڕی بهێنێتە یانەكەی، كە گرێبەستەكەی ئەستێرە میسڕییەكە لە هاوینی ساڵی 2025 بەسەردەچێت.
ئاماژە بەوەشكراوە، ریال مەدرید دەبێتە خاوەنی %50ی ئەو پارەیەی ریال سۆسێداد لە فرۆشتنی كوبۆ دەستی دەكەوێت.
هەمان سەرچاوە ئەوەشی ئاشكرا كردووە، یانەی نەسری سعودی ئۆفەرێكیان بە موچەی ساڵانەی 20 ملیۆن یۆرۆ پێشكەشی كوبۆ كرد، بەڵام یاریزانەكە رەتیكردووەتەوە.
لەم وەرزەدا كوبۆ لەگەڵ سۆسیداد بەشداری لە 25 یاری كردووە و توانیویەتی شەش گۆڵ بكات و چوار گۆڵیش درووست بكات.