یاریگا –
ماوریسیۆ پۆچێتینۆ، بەڕێوەبەری هونەری چێڵسی، هۆکاری زۆری ژمارەی کارتە زەردەکانی یاریزانانی تیمەکەی بۆ کەمی ئەزموون دەگەڕێنێتەوە.
پۆچێتینۆ بەر لە یاریی بلووز بەرامبەر کریستال پاڵاس، کە یاریزانی وەک رەحیم ستێرلینگ و کۆڵ پاڵمەر بە هۆی پێکان یاری ناکەن، باسی لە کەمی ئەزموونی یاریزانان کرد.
لە یاری رابردووی چێڵسی بەرامبەر وۆڵڤز کە بە ئەنجامی 2-1 شکستیان هێنا، هەریەکە لە یاریزانان نیکۆلاس جاکسن، مالۆ گوستۆ، کۆنۆر گالاگێر، مارکوس بێتینێلی، ستێرلینگ و پاڵمەر کارتی زەردیان وەرگرت.
Chelsea can only blame themselves for missing early chances in their 2-1 Premier League defeat at Wolverhampton Wanderers on Sunday, manager Mauricio Pochettino said. https://t.co/6yHfXt8ggt https://t.co/6yHfXt8ggt
— Reuters Sports (@ReutersSports) December 25, 2023
ستێرلینگ و پاڵمەر، پێنجەم کارتی زەردیان لەم وەرزەدا وەرگرت، بۆیە ناتوانن بەشداری لە یاری سبەی شەودا بکەن. پۆچێتینۆ دەڵێت
زۆری ژمارەی کارتەکان بە مانای نەبوونی رێکخستنی نێو تیمەکەوە نییە، بەڵکو چێڵسی یانەیەکی گەورەیە و هەست بە فشاری سەر یاریزانان دەکرێت. کاتێک تووڕەیت و کەم ئەزموون بیت، ئەم جۆرە کارانەی لێدەکەوێتەوە، بەڵام دەتوانین کار لەسەر ئەم بابەتە بکەین. ئەمە یەکەم وەرزی پاڵمەرە لە پرێمەرلیگ و شتێکی ئاساییە.
پۆچێتینۆ جەختدەکاتەوە، ژمارەی کارتەکان پەیوەندی بە نەبوونی رۆشنایی لەسەر شێوازەکانی توندوتۆڵییەوە نییە
پاڵمەر یاری بۆ چێڵسی دەکات، راستە ئەمە دەستشکێنەرە (وەڕەسکەر)، بەڵام یاریزانان گرنگی بە رەوشتی خۆیان دەدەن و هەرگیز پەیوەندی بە کەسایەتی توندوتۆڵەوە نییە.
چێڵسی کە لە پلەی دەیەمی پرێمەرلیگدایە، لە دوای یارییەکەی کریستال پاڵاس، شەممە لە یاریگای کێنێڵوۆرس رۆد رووبەڕووی لوتن تاون دەبێتەوە.
