ئەنجامە خراپەکانی ئەم وەرزەی یانەی هەولێر لە خولی ئەستێرەکانی عێڕاق بۆتە جێگای نیگەرانی وەرزشوانانی کوردستان و هاندەرانی هەولێر بە تایبەتی.
بە هۆی ئەنجامە خراپەکانیشەوە کە مێک لە مەوبەر ڕاهێنەری یانەی قەڵای زەرد عەباس عوبێد دەستی لەکارەکەی هەڵگرت، لە کاتێکدا کارگێڕی یانەی هەولێر بە دوای ڕاهێنەری تازە دەگەڕێن، سەفین کانەبی سەرۆکی پێشووی یەکێتی تۆپی پێی کورستان و ئەندامی دەستەی کارگێڕی پێشووی یانەی هەولێر لە تۆڕی کۆمەڵایەتی فەیس بووک توانجێک لە کارگێڕی ئێستای یانەکەی پایتەختی کوردستان دەدات و دەڵێت ئەوە ئێمەبووین چوار جار پاڵەوانی عێڕاق و دوو جار دووەمی ئاسیا.
لە دوای هەشت گەڕ لە خولی ئەستێرەکانی عێڕاق، ئێستا یانەی هەولێر لە پلەی هەژدەمی ڕیزبەندی خولەکە دەبینرێت.
