پێپ گواردیۆلا داوای لێبوردن لە یاریزانێکی یانەکەی دەکات بەهۆی پێنەدانی دەرفەتی یاریکردن.
راهێنەرە ناودارەکە بەر لە یارییەکەی ئەمڕۆیان بەرامبەر لوتن تاون باسی کاڵڤین فیلیپسی ناوەڕاستکاری کرد و وتی
هەست بە دڵتەنگی دەکەم بۆی و داوای لێبوردن دەکەم کە یاری ناکات بەڵام بابەتەکە لای خۆیەتی من تەنها ئەوە دەڵێم. من داوای رەوشتی جوان، کەسایەتی بەرز لە یاریزانەکانم دەکەم و ئەویش نمونەییە بەڵام کاتێک پلان دادەنێم و بیر لە تیمەکە دەکەمەوە نازانم چۆن ئەو بەشداری پێبکەم و زۆر داوای لێبوردنی لێدەکەم ، لە کۆتاییدا ئەمە کارە و دەبێت پیشەگەرانە بڕیار بدەم. هیوادارم بتوانێت بگاتە ئەو ئاستەی پێویستە بۆ یاریکردن”.
هاوینی رابردوو گواردیۆلا فیلیپسی ئاگادارکردەوە دەتوانێت رووبکاتە یانەیەکی دیکە بەڵام ئەو بڕیاریدا بمێنێتەوە و بجەنگێت لەپێناو بەدەستهێنانی متمانەی ئەو راهێنەرە. ناوبراو لەو رووەوە شکستی هێنا و ئەگەری ئەوە زۆرە لە بازاڕی گواستنەوەی زستانەدا یانەکە جێبهێڵێت.
لە هاوینی 2022دا کاڵڤین بە 50 ملیۆن یۆرۆ لە لیدزەوە گوێزرایەوە بۆ ستیزن.
