حوسام فه‌وزی یاریده‌ده‌ری ڕاهێنه‌ری یانه‌ی هه‌ولێر، هۆكاری شكسته گه‌وره‌كه‌یان به‌رامبه‌ر جه‌وییه ئاشكرا ده‌كات.
فەوزی لە کۆنگرەیەکی ڕۆژنامەوانی دوای دۆڕانیان به‌رامبه‌ر قوه جه‌وییه له خولی ئه‌ستێره‌كانی عێراق رایگەیاند، جه‌وییه تیپێکی گەورەیە، به‌ڵام بۆ دۆڕانه‌كه‌مان زۆر هۆکار هه‌یه ، دیارترینیان هەڵە گەورەکانە.
گوتیشی، هەڵەی بەرگری گرنگترین هۆکار بوو بۆ دۆڕانه گه‌وره‌كه‌مان ، شتێکی سروشتییە تیپەکەمان دۆڕا، چونکە تیپە گەورەکانیش به ئەنجامی گه‌وره لەسەر یاریگای خۆیان و لەنێو هاندەرانیان شکستیان هێناوە.
لە درێژەی قسەکانیدا گوتی، تیپەکەمان لە لایەنی بەرگرییەوە ئازار دەچێژێت، دەبێت بوەستین بۆ ئەوەی بە رشدی و بەبێ دواکەوتن چارەسەری ئەو پرسە بکەین.
ئاماژەی بەوەشکردووە، لە نیوه‌ی یەکەمدا توانیمان لەگەڵ کەشوهەوای یارییه‌كه بەردەوام بین، ئەمە وایکرد یاریزانەکانمان پەلە بکەن و بووە هۆی دروستبوونی بۆشایی له بەرگری.
